ضحكت على الناس يا ريس
قلت زيادة مرتبات
وبعدها بثلاثة أيام قمت برفع سعر البنزين والسولار
لعبتها صح يا ريس
خططت لزيادة المرتبات ثم أخذها مره أخرى الضعف
ضحكت على الناس يا ريس
جعلت الناس يعيشون في وهم العلاوات
وياعيني لم يتهنوا بالعلاوه أسبوع على بعضه
وأخدت منهم العلاوه قبل ما يقبضوها
ضحكت على الناس يا ريس
بكره الصبح المواصلات هاتغلى
الميكروباص أبو ربع جنيه هايبقى بنصف جنيه
والمواصله أم جنيه هاتبقى بأتنين
وأم أتنين هاتبقى بثلاثه
وطبعا أنت ولا يهمك
أنت عمرك ركبت مواصله أصلا
ضحكت على الناس يا ريس
قلت لهم أن أولوياتك محدودي الدخل
وقمت برفع البنزين و الجاز
وبكره هاننزل السوق ونجد الأسعار أصبحت نار
فالخضار والفاكهه بيوصلوا لنا من الأقاليم
وأقاليم معناها سيارات نقل
والنقل معناه بنزين وجاز
والاثنين سعرهم أصبح نار
حرام عليك يا ريس
ضحكت على الناس يا ريس
صدرت الغاز لإسرائيل والأردن واسبانيا
ورفعت سعره على أصحاب الغاز الأصليين !!
ضحكت علينا يا ريس
قلت أنك منحاز لمحدودي الدخل
ولم يتأثر من ارتفاع الأسعار سوى محدود الدخل
حدث تطور كبير في عصرك يا ريس
حيث ظهرت فئه جديده داخل مصر
وهي فئه معدومي الدخل!
الناس هتعمل ايه يا ريس
هاتسرق ولا هتاكل تراب
كرهتنا في بلدنا يا ريس
حرام عليك اللي بيحصل ده
...
على جميع الناس أن يبحثوا عن بلد أخرى يعيشون فيها ويكملون بها حياتهم
لأن بلدنا خلاص أنتهت
لن يعيش فيها إلا المليونير
فإن لم تكن مليونير فستعاني إلى أن تموت
بنحبك يا مصر
لكن فيه اللي بيكرهنا فيكي
لا نملك إلاأن نقول منهم لله
وَقَالَ نُوحٌ رَبِّ لا تَذَرْ عَلَى الأَرْضِ مِنَ الْكَافِرِينَ دَيَّارًا،إِنَّكَ إِنْ تَذَرْهُمْ يُضِلُّوا عِبَادَكَ وَلا يَلِدُوا إِلا فَاجِرًا كَفَّارًا،رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِي مُؤْمِنًا وَلِلْمُؤْمِنِينَ وَالْمُؤْمِنَاتِ وَلا تَزِدِ الظَّالِمِينَ إِلا تَبَارًا
موضوع: وضحكت علينا يا ريس 
الجمعة يوليو 04, 2008 7:28 pm
