الصوره الحيه لهندسه طنطا

السلام عليكم

ده يا جماعه اللى بيحصل بالظبط فى هندسه زفت (طنطا) مع احترامى للزفت لانه مفيد

وانا بحكم خبرتى المحدوده (((لانى لسه طالب اعدادى فى هندسه السخام يعنى كلوا بيتنطط عليه وعامل يعنى

انه نزل من بطن امه فى سنه تالته او رابعه او اتخلق معيد زى البعيد بتاع الرسم داهيه تشيلوا بتاع البنات انتوا عارفينه طبعا لوكنتوا فى طنطا )))

جايبلكوا مشاهد قابلتنى ولو حد عنده جديد ياريت يجيبوا

1- لما مرة واحدة تحس ان الناس كلها شبه بعضها , ولاد و
بنات مع انهم مش كدة , لكن التعبيرات ال على وشوشهم
واحدة !!



2- لما تلاقى الراجل ال على الباب بيدخل الناس كلها من
غير ميسألهم فين الكارنيه , لكن ييجى عندك انت و يمسكك ,
عرف منين انك من بره الكلية ؟ اكيد عشان مش شبههم ... لو
بتروح كتير ممكن تكتسب الشبه ده و لو نفسك اوى ابقى حل
شوية شيتات و خش ورشة مرة ...!


3- لما تيجى تخش المحاضرة تلاقى واحد مطلع من شنطتوا
كتب المنهج كلها , و راصصها عالبنش كأنوا بيبيع جرانين و
تيجى تسألوا يقلك : "محجوز ياباشمهندس"

( و لو ركزت اكتر ممكن تلاقى مجلات , وجرانين , اخبار
... اهرام ... يعنى مش ده المهم , دة ال لاقاه الراجل فى
البيت هيعمل ايه يعنى ؟!! )



4 – لما تمشى و تلاقى اتنين ولد و بنت , قاعدين لوحدهم ,
قاعدة شاعرية , فى وسط جنينة خضرا , و العصافير بتزقزق ,
وتيجى تقرب منهم عشان تسمع بيقولوا ايه ! تلاقى لوحة
مرمية وراهم والولد ماسك فى ايده مثلث و بيقول :" و دى
ياحبيبتى طريقة استنتاج المسقط الثالث , عشان تعرفى بس
انا بحبك و بعزك قد ايه "!



5 – لما تيجى ماشى و تلاقى واحد بيسأل البواب القاعد على
بابالمبنى , بيقول له " لو سمحت يا بشمهندس هو سكشن 10
فين ؟؟؟" مع انه بواب , وشكله بواب و ماسك مقشة فى ايده
, بس هو الواد اتعود على الكلمة خلاص !!!(مع احترامى للعامل
لانه والله العظيم شرح لنا سكشن فى الورشه تصوروا)



6- لما و انت بتتمشى فى الكلية , وبتبص عالحيطة بالصدفة
تلاقى ورقة متعلقة ورا الباب وواقعة , مكتوب
فيها ما يفيد بأنك عندك امتحان تانى يوم , ممكن تسقط لو
مامتحنتوش , بس هيعملولك ايه يعنى انت الى ماقرأتهاش , هما
عملوا العليهم و علقوها !



7 – لما تخش الكافيتريا تلاقى ورقة محطوطة مكتوب عليها :
"ممنوع لعب الكوتشينة" و جنب الورقة بالظبت اربعة قاعدين
بيلعبوا استميشن , وبيكتبوا على ظهر الورقة دى نتيجة
البولة البيلعبوها ... و لو نظرك يجيب بقى حاول تبص و
تطلع حد مش قاعد بيلعب كوتشينة فى بقيت الكافيتريا!!!!!
دى فى الكافتريا اللى عند الاداب


8 – لما تلاقى اغلبية طلاب الكلية دة لو مش كلهم بيتخذوا
قانون الضرايب الجديد كشعار لهم و هو :
" مصلحتك اولا"

9_ لما تحب تفهم حاجه فى سكشن الرسم وتروح للمعيده تقولك
روح للباشمهندس تروح للباشمهندس يقولك تعالى كمان شويه تروح
كمان شويه يقولك الباشمهندس التانى هيشرحها على السبوره
تروحله تانى يقولك جمع زمايلك علشان هشرحها مره واحده
وفى الاخر ماتفهمش حاجه
الموقف ده حصلى شخصيا لحد ما زهقت وخدت كورس وريحت دماغى

وعلى فكره الكلام ده مش للفكاهه ده حقيقه وخطاب والغول معايا فى الكليه وعارفينه كويس

وشكرا

اهديك اغنيه عبد الحليم حافظ حلو و كداب

والله عندك حق يابني بصرف النظر عن زيزوز عصفوره والشنتل بهاء وعمك الشنشاوي اللي عاملك فيه عبقرينو وونفخنا في مدتين

شاكر مرورك

انا عارفة ان ردي ملهوش لزمة بس كنت فكرى ان كلية الهندسة احسن كلية وانا اوافق كلام الغول
مع تحيات اميرة الورود