Alghool
مؤسس منتديات الغول
 عدد الرسائل : 141
العمر : 35
البلد : مصر
الوظيفة/الشهادة العلمية : طالب بكلية هندسة
تاريخ التسجيل : 05/12/2007
 |  موضوع: قصة ساندريلا في عام 2008  الجمعة أبريل 11, 2008 2:19 pm | |
| مرات الاب : بت يا سندريلا اصحى يا بت جاك خابط فى نفوخك
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى جاكلقرف وتروحى فين بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
طلعت سندريلا من البيت لقت الساحره مجهزة عربية هوندا ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى | |
|
Master
عضو فعال
عدد الرسائل : 133
العمر : 34
البلد : بلد الوسايط
الوظيفة/الشهادة العلمية : طالب بكليه الهندسه
الهوايات : متابعه الدورى الانجليزى و البلياردو
تاريخ التسجيل : 16/12/2007
| | موضوع: رد: قصة ساندريلا في عام 2008 الجمعة أبريل 11, 2008 4:30 pm | |
| | |
|
Master
عضو فعال
عدد الرسائل : 133
العمر : 34
البلد : بلد الوسايط
الوظيفة/الشهادة العلمية : طالب بكليه الهندسه
الهوايات : متابعه الدورى الانجليزى و البلياردو
تاريخ التسجيل : 16/12/2007
| | موضوع: رد: قصة ساندريلا في عام 2008 الخميس يونيو 05, 2008 9:34 pm | |
| | |
|
Admin
عضو فعال
عدد الرسائل : 133
العمر : 40
البلد : تونس
تاريخ التسجيل : 13/01/2009
| | موضوع: رد: قصة ساندريلا في عام 2008 السبت يناير 31, 2009 1:32 am | |
| | |
|
