انواع الفيستا والفرق بينهم vista versions

ممكن انت تكون سمعت عن حاجه جديده اسمها فيستا وبعدها بشوية تقابلني على المنتدى الجميل ده تقوم تسألني شوية اسالة سريعة جدا على الطاير عن الفيستا وتقولي

ايه يا عم الفيستا ده ؟؟
اقولك ده نظام التشغيل الجديد بتاع ميكروسوفت اللي طلعته بعد الاكس بي

وبعدين تقولي في كام نوع فيستا موجود ؟؟؟؟
سؤال ذكي جدا
حقولك يا سيدي
في للقيستا انواع كتير ولسه شركة مايكروسوفت بتنزل انواع تانيه غير الموجوده في السوق

حتقولي يا عم بلاش فلسفة وهاتلي من الاخر : ايه الانواع المشهورة يعني ؟
حقولك انت خدت عليا اوي بص يا سيدي اشهر انواع الفيستا التالي

Windows Vista Home Basic

Windows Vista Home Premium

Windows Vista Business

Windows Vista Ultimate

حتقولي يا عم ما احنا شغالين على الاكس بي كويس ايه يعني الفرق بين الفيستا والاكس بي
حقولك لا تفرق كتير خالص جدا خد عندك يا سيدي

DirectX 10 وهو يعتبر من اهم الفوارق بين النسختتين و هو البرنامج المسئول عن تشغيل اغلب الالعاب , علي ان البعض لا يعتبره الا تطوير لل DirectX 9 لان ما سيقدمه لا يعتبر ثوري بالنسبة لما قدمته النسخة السابقة.



Windows Aero Desktop وهي واجهة المستخدم في الفيستا و هي اهم ما يميز بين الفيستا و ما قبلها و هي تجعل سطح المكتب مجسم كالزجاج و هي من اكثر الخصائص تطلبا و تحتاج الي ذاكرة لا تقل عن 512ميجا.


بعض الخصائص الاخري مثل :
WinFS: و هو النظام الجديد من NTFS و FAT32 و لكن اخر ما سمعت به ان مايكروسوفت ستقوم باصداره مستقلا بذاته بعيدا عن الفيستا
و هناك خصائص اخري مثل Indego, WinFX, Avalon و هذه الخصائص يطول شرحها جدا و هي لا تهم المستخدمين فهي للمتخصصبن لذلا فلن اقوم بشرحها حتي لا اصعب الامر علي من كان مبتدئ من الاخوة و يكفب معرفة انها خاصة بالمن و بناء الفيستا و الاتصالات و اطار عمل الفيستا.


حتقولي متشكرين يا سيدي بس انت كده لخبطني ايه احسن نوع في الفيستا ؟؟
حقولك طبعا الالتيميت

حيجي واحد رخم رخامه ملهاش حل ويقولنا لا طبعا يا سيدي لازم قبل ماتسال عن النسخة الافضل تعرف انت استخدامك للفيستا حيكون في انه مجال يعني لازم تعرف الفروق بينهم علشان تقدر تقرر انه نوع انت عاوزه فعلا

اقوم انا اقوله مادام انت عامل فيها نفسك شاطر كده اشرحلنا بقى انت انواع الفيستا المختلفة والفروق بينا
حيقولي بسيطه انت يعني جيت في جمل

بص يا سيدي

- Windows Vista Home Basic: و النسخة دي اقل نسخة في الواصفات و المتطلبات و يمكن ان اقول انها عبارة عن XP Home و لكن مع دعم DirextX 10 فهي لا تدعم الAero ولا اي شئ اخر من الخصائص المميزة للفيستا(حتي برنامج Internet Explorer 7 يمكن ان تشغله الان علي الXP لذلك فلا يوجد فرق ظاهر غير ال DirectX 10)



2- Windows Vista Home Premium: و هي النسخة المطورة من ال Basic و بها دعم ال Aero و ال Media Center(الترفيه المنزلي) تدعم الجيل الجديد من ال DVD و هو ال HD-DVD و يوجد بها وسائل حماية اكثر كال Backup(عمل نسخ احتياطية من البيانات الهامة), و تعتبر هذه النسخة من احسن النسخ للمستخدمين و هي كحلقة وصل بين XP Home و XP Pro و لكنها تتطلب ذاكرة يفضل الا تقل عن 1جيجا.



3- Windows Vista Business: و هي تعتبر كال XP Pro و توفر وسائل حماية و تحكم و اتصال اكبر لانها موجهة للشركات. و يوجد نسخم مطورة عنها و هي Windows Vista Enterprise و هي للمؤسسات العملاقة.





4- Windows Vista Ultimate: اجمع كل ما تتمناه من وسائل امان و حماية و ترفيه و ال XP و الفيستا و اضربهم في الخلاط تتطلع النسخة دي . و طبعا يفضل الا تقل الذاكرة عن 2جيجا حتي تستمتع بهذه النسخة و كارت شاشة لا تقل ذاكرته عن 256ميجا. لذلك فان هذه النسخة قاتلة للاجهزة ذات الامكانيات المحدودة.

حقوم انا مش حلاقي حاجه اقولها بعد كده
واخلص الموضوع بقى لحسن الموضوع كده طول على الاخر وشكلكم كده صدعتم مني

واتمنى انه يكون الموضوع عجبكم وفادكم وطريقة الطرح الجديده ديه تكون كويسه